مؤسسة عدن الغد للإعلام | من نحن | هيئة التحرير | اتصل بنا | ارسل خبر | نسخة الموبايل | نسخة القديمة | آخر تحديث للموقع الخميس 02 أبريل 2020 08:44 صباحاً

ncc   

عناوين اليوم
آراء واتجاهات
الأحد 08 أبريل 2012 12:40 مساءً

كل يوم خُبارة.. باب شَبك ، باب حديد !!

نادية شجن : منو دا اللي جالس يدقدق تحت بيتي ؟ خاف أصحاب القاعدة وصلو الحافة ؟؟

معتوق : لا قاعدة ولا قايمه ..

نادية شجن : أووو معتوق .. أيش معك الدقوق دا كله .. لو تبني الصهاريج ما بتدقش كدا..

معتوق : خليك اللكاعة يا نادية .. خلينحنا نكمل شغلنا كما الناس .. بلا وجع راس..

نادية شجن : أيش تسوي؟؟ قتلني الشجن يا معتوق.

معتوق : أكيد بيقتلك الشجن .. وإلا كيف بتكوني نادية؟؟

نادية شجن : أيش دا ؟؟ باب حديد ؟؟ والله خرجت البيسه يا معتوق .. دا وإنت مكانك تتماوت..

معتوق : الله أكبر .. شوفك بتبركينا يا نادية.

نادية شجن : أوووو على مزايد .. ببركك على ماهو ؟؟ خاف بمرع شعرك الأصفر وإلا عيونك الزرق .. لا تخافش، عيني بارده من يومه يا نخصي..

معتوق : خلاااااص .. ماتصدقي تلاقي موضوع وتجلسي تعجني وتعصدي فيبه .. أنا اتسلفت بيس واشتريت هذا الباب الحديد .. ما فيش أمان يا نادية ..

نادية شجن : يا باهوت يابن علوان .. أيش في يا معتوق ؟ الدنيا عاده بخير وعدن من يومه أمن وأمان..

معتوق : عادك ذاكرة يا نادية .. دا كان زمان .. وقول يا زمان أرجع يا زمان .. اسمعي كلامي وبدلي بابك حديد .. الحقي نفسك..

نادية شجن : بابي خشب شَبك وبيقي طول ما أني عايشة شَبك .. ربك بيسلم يا معتوق ولا في شي .. قول إلا انتو بعتو عدن وركبتو ابواب حديد وطوق المنيوم .. كل ما اخرج السوق وأتلفت دار مادار ما عاد أشوفش عدن .. أشوف بلاد تانية كله بردين وحديد وألمنيوم.

معتوق : أجينا للمحاضرات حق نادية المعقله .. أنا كلمتك ونصحتك بعدين لما بيكسرو بابك الشَبك أذكري كلامي وخلي عدن تنفعك.

نادية شجن : دحين مو جابه دي الهدرة كله؟

 معتوق : يا نادية البلاد حاله مش سوا .. كثرو المحببين والمحششين والمسلحين .. كل يوم قتيل هنا وقتيل هناك .. فلان سرقو بيته .. فلان ضربو ابنه ... علان اقتحمو بيته .. أيش ما تسمعيش أخبار؟ .. متقريش جرايد؟ .. ما تفتحيش فيسبوك؟

نادية شجن : إلا أسمع وأشوف كل شي بس أتعامس .. مشتيش أصدق اللي أشوفه وأسمعه..

معتوق  : تسمعي الرصاص يا نادية .. عادنحنا ما غلقناش كلام وقد قرحت .. أيش دراهيك دحين ليش دا الرصاص كله .. عرس؟ .. مباراة؟ .. حرب ؟ والا أيش؟؟

نادية شجن : وجعتلي قلبي يا معتوق ..

معتوق : كلنا قلوبنا موجوعة بس أيش نسوي؟ دا أمر واقع ولازم نتأقلم معه..

نادية شجن : لا يا معتوق .. ما نتأقلمش معه .. أكبر مصيبة لو أعتبرنا الوضع عادي وتأقلمنا معه..

معتوق : وأيش الحل يا أم العُريف؟

نادية شجن : فين الناس ؟؟ .. فين اللجان الشعبية؟ .. فين رجالك يا عدن؟

معتوق : على قولتهم نعم الرجال ماتو بـ 94 .. خليلي حالي يا نادية .. الواحد ما معه إلا يركب باب حديد وطوق حديد ويبند بابه على نفسه وعياله، محد فاضي لحد .. وعادنا كمان بسوي سقف حديد عشان الرصاص الراجع .. قد سيبنا لهم الشارع كمان أموت وأنا داخل بيتي .. يالله تصبحي على خير يا نادية.

نادية شجن :  معتوق .. خبي بابك الخشب بالريل وغطيهو من الشمس .. بيجي يوم بنرجع نركب أبوابنا الخشب .. أما أني بخلي بابي شبك لما أموت .. ومادمت بعدن فأني محمية من رب العالمين..

 

يكتبها عمرو جمال لصفحة بالعدني  بصحيفة "عدن الغد" الورقية

 

تعليقات القراء
32169
[1] يا الله
الأحد 08 أبريل 2012
ابوعبدالرحمن | عــــــــــــــــــــــدن
.لك الله يا عدن.وترجع عدن كماكانت ابواب شبك ننام وهي مغلقة بالهوك؟

32169
[2] خليك على منتي
الأحد 08 أبريل 2012
الوليد حمادة | عدن
الله يخليك يا خاله ناديه وخليك على منتي ولاتغير بابيك الشبك وكفايه الدي غيرو بيبانهم اما معتوق بيجي اليوم الدي با يرجع بابه الخشب مع الشبك

32169
[3] لاتعليق
الأحد 08 أبريل 2012
فاطمة | دار سعد
اذا دارت بنا الدنيا............... ولكم التحية

32169
[4] احلى شجن
الأحد 08 أبريل 2012
رفقي | اليمن
مشتاقين للغة ولا اقول اللهجة لانها صادقة وتخرج من القلب على اللسان طوالي عاد في شجن احلى من هذا الشجن والشوق لهذه اللغة تحياتس رفقي



شاركنا بتعليقك

شروط التعليقات
- جميع التعليقات تخضع للتدقيق.
- الرجاء عدم إرسال التعليق أكثر من مرة كي لا يعتبر سبام
- الرجاء معاملة الآخرين باحترام.
- التعليقات التي تحوي تحريضاً على الطوائف ، الاديان أو هجوم شخصي لن يتم نشرها
الأيام
مؤسسة عدن الغد لحقوق الانسان

مؤسسة عدن الغد لحقوق الانسان

الأكثر قراءة
علبة بسكويت ابو ولد تتسبب بمشكلة كبيرة في عدن.. تعرف على القصة
شهود : قوات تابعة للأنتقالي تتجه غرب عدن عقب انتشار قوات يدعمها التحالف بالمنطقة
قوة يرعاها التحالف تبدأ انتشارها غرب عدن
بيــان تحذيـــري صادر عن البنك المركزي اليمني
عاجل : وقف العمل بميناء عدن عقب تعرض عمال لاعتداء من قبل قوة أمنية
مقالات الرأي
عمد مجلس القضاء الأعلى بعدن ( الشرعي ) على اجراء تعيينات قضائية بمخالفة فجة للقانون و دون اتباع أي آلية
لربما ان هناك من يعتقد بأن لسعودية ضالعة في سقوط فرضة نهم والجوف من أجل أن تضغط على قوات الإخوان المتمركزة في
نعمان الحكيم رحمة الله عليك كابتن سعيد دعالة..فقد كتبنا ونبهنا وناشدنا.. لكن لمن.. كلهم موتى..عام مر مذ كتبنا
تلقيت مساء أمس رسالة من مصدر جنوبي موثوق يوضح لي بها سبب عدم حسم الأوضاع في الجنوب، ولم أتفاجئ حقيقةً بما
لم يعد سرّاً الدور القطري - التركي المتعانق مع الدور الإيراني في اليمن هذه الأيام، ونتائج هذا الدور السيئة
لا نريد جنوب على الطريقة العفاشية كالذي نراه اليوم للأسف الشديد ، بل جنوب يسوده العدل والمساواة وسيادة
في زمن الصدق، كنا نحتاج يوما نمزح كذبا على بعض في العام، وكانت كذبة أبريل، مزحة نمارسها في كل أول يوم من أبريل
  العم قاسم شيخ جليل ناهز السبعين، بالمسجد الذي لا يبعد سوى عشرات الأمتار عن داره قلبه معلق! يسعى إليه ببطء
مصطفى نعمان نشرت صحيفة الواشنطن بوست صباح اليوم تحليلا بعنوان (فيروس كورونا سيعيد فتح الانقسامات الغاضبة في
  مواليد مدينة عدن ،مديرية كريتر ، حي الطويلة ، ١٠يناير/١٩٨٦ تربى منذ الصغر في تلك الأحياء السكنية للمديرية
-
اتبعنا على فيسبوك