مؤسسة عدن الغد للإعلام | من نحن | هيئة التحرير | اتصل بنا | ارسل خبر | نسخة الموبايل | نسخة القديمة | آخر تحديث للموقع الخميس 27 فبراير 2020 01:48 صباحاً

ncc   

عناوين اليوم
آراء واتجاهات
الأحد 22 يناير 2012 02:33 مساءً

كل يوم خُبارة ..مخرب غلب ألف مدار !!

خاص لعدن الغد: 

نادية شجن : هلوووز .. كيفكم .. فقدتلكم .. لي أسبوع ما شفتكمش .. كيه كل واحد منكم يقص لي أيش أستوى معه الإسبوع اللي راح .. ويه حسكم تصدقوني ..  أضحك معاكم .. مافيبيش طافة أتسمع قصصكم كلكم ..  أووو يا ساتر أستر .. منو دونا اللي يتصايحو ملينات الحافة .. نوال بنت نرجس الدلالة وفطوم قلاقل ..  أم الصبيان هذي الحرمة اللي اسمه فطوم مصيبة صوبة ولا تبتلع لي..

 

 نوال : وربي يا فطوم لو ما بطلتيش حقك الخبابير دي با شمتبك بعدن كله مديرية مديرية .. شارع شارع .. حافة حافة .. زغط زغط.

نادية شجن : ويه نوال القذافي .. أيش في أيش حصل يا أمي قوليلي قبل ما أموت من الشجن يا فدوبني عليك؟

فطوم : ولا في شي يا نادية .. إلا كلمة الحق تزعل دي اليومتين .. واني كله إلا كلمة الحق ..

نادية شجن : إنتي يجعلك كسر بحقوك مو معرفيكش .. خبز يدي والعجين .. أيش سوت مكسورة الناموس دي يا نوال يا بنتي..

نوال : يرضيك يا خالة .. كل ما سوينا شي أني وزملائي الناشطين .. تشكك فينا وفي ذمتنا وتروح تشوه سمعتنا عند الناس؟

نادية شجن : أكيد ما يرضينيش .. ياسين عليك وعلى زملائك .. شباب زي الورد أعرفهم واحد واحد..

نوال : جالسة تقول نعم الفلوس حق الطبق الخيري سرقناها وما وديناهاش للنزاحين..

فطوم: فين راحت البيس .. لهفتوها يا سرق .. تتاجروا باسم أصحاب أبين مساكين الله ..

نادية شجن : يجعلك كسر بلقفك يا كذابة .. البيس أجو قسمونه هنا جنبي .. واشتروبه فرشان وراشان للنازحين .. وشفتهم بحقي الناظور لما وصلوهم للمدرسة.

فطوم : انتي ماتعرفيهمش يا نادية .. قلبك طيب وتحسبي الناس طيبين مثلك..

نادية شجن : أوه منك يا فطوم قلاقل .. كيفيك لما تتمسكني تجيبيلي اللاصي..

نوال : وإلا يرضيك يا خالة نادية تقول علينا مزايدين واستلمنا بيس من المجلس المحلي لما نزلنا نكنس الشارع الرئيسي..

فطوم : أيوة مدسوسين .. الله أعلم كم دفعولكم .. أني دارية بمخططكم .. تشتو تنظفو عشان تطلعو أصحاب الشارع الرئيسي وسخين وتبرروا للقتل .. أني دارية .

نادية شجن : يجعلك السمرقع لاهو صدق .. أيش دي الهدرة يا فطوم عيب عليك تتقولي على عيالنا وبناتنا كدا..

فطوم : قلبك طيب يا نادية..

نوال  : وكمان يا خالة تطرب بنا بكل مكان .. نعم نحنا اللي رحنا نوقف في البقعة بين عدن مول ومركيور رحنا نفاوض التجار اللي يتضاربوا على الأرض بـ 25 مليون ريال .

نادية شجن : يجعلك 25 مليون ورمة .. مالك يا فطوم تشوهي سمعة الشبان .. أني أروح معاهم كل أحد وثلوث وخميس .. شبان زي الورد يدخلو القلب بلا استئذان .. وواكنة فيبهم أكثر من نفسي.

فطوم : هيا الشبان دونا سمعتهم فاحت مليان عدن .. بس أنتي قلبك طيب وتحسبي الناس كلهم زيميك..

نادية شجن : فطوم قلاقل .. وربي وما أعبد .. وراسي وما ركبه .. إنه لو ماتبطليش حقك القلقلة با أنزلك دحين وباكنسبك الحافة..

فطوم  : هو إنتو كدا كلمة الحق توجعكم .. لكن باسيبلكم الحافة لكم وللجن..

نادية شجن : جني يلهفك .. ويريحنحنا منك.. حرمة مصيبة

نوال : شفتي يا خالة.. كل يوم من دا الكلام .. كملونحنا اهانات وتخوينات واللي يزعل لما يجي من القريب مش من الغريب.. وربي احباااااط

نادية شجن : مالك من أبتهم كلهم .. وطالما إنكم ماشين صح ولا يهزكم ريح .. واللي يحبطوكم ويشوهو سمعتهم الله يهديهم وليتهم سمعو المثل اللي قال : مخرب غلب ألف مدار*

*المدار : صانع الفخار

عمرو جمال

 

تعليقات القراء
31666
[1] غضب غضب غضب
الأحد 22 يناير 2012
العيسائي - أحبك ياعدن | الجنوب الحر الثائر
أسلوب راااااائع ياخالة يادكتورة ... والله انك اكبر دكتورة في حافتنا ... ماشاء الله تبارك الله عليك وكع بعين الحسود ... تعرفي كيف تعالجي الجروح تمسكي الموس وتفتحي به الجرح علشان تخرجي الوسخ والقيح من داخله والواحد مرتاح ..... تعرفي ليش يا خاله علشان انتي قلبك طيب و قلبك على المريض صاحب الصنفور او العوار .. ونحن نعرفك من زمان جدتي ،،،- حتى أمي الله يحفظه- دائماً تدعي لك بالخير وما تنسنى زمان لما كنتي تعلميها كيف تسوي المطفاية والكشنة وحتى الفوفل الملبّـس والعشار و كل حاجة وخليتها تشطح وتنطح،، من زيه او زيك ياخاله،، وحتى البخور علمتيها كيف تسويه... بس بصراحة لا تزعلي مني لو قلت الصدق،، بخور أمي ما في زيه لمان اشم عرفه زمان كنت افرح واليوم لما أشمه تجي لي الدوخة و أبكي ... تقولي ليش يا خاله ... نفس السامان والحوائج ونفس الطبخة اللي علمتيها، بس ما أدريش ليش أبكي يا خاله لما أشمه ... أمنتك بالله وبراس عيالك وعيال الحافة كلهم تقولي لي ليش اليوم أبكي لما أشمُّه،، قلبي يحس بالسبب،، بس اشتي أتأكد منك ياخالة.. الله يطول بعمرك.... كمان ما أدريش بس، ما أدريش ليش امي تقول الى ذلحين بخورك هو اللي يجنن وما فيش زيه حتى لو يبخروا به صحاري الجنوب او يبخروا به السماء عرفه يا يفوح و با يجنن اللي يشمه،،، بس جنان مش جنان حق ام الجن ياخاله... جنان بخورك يا خاله ما حسنه يا خاله.... يمكن علشان بخورك فيبه من عرفك يا خاله .. عرف الحب والوفاء والعطاء والصدق اللي في عدن ..... الله يعطيك العافية ويمد بعمرك ياخاله ويحفظك لنا، لكن باطلبك حاجة يا خاله،،،، نشتي منك كل يوم خبّاره مليحه من حقك والله يحفظ الأصابع الذهبية حقك الذهبية اللي تذكرني بصاحب الأنامل الذهبية شكيب جمن ( رحمه الله عليه) و بقية أصحاب الحافة .... والله يا خاله نحن نحبك وتربينا على ديننا وعرفنا وأدب على يد كل أصحاب الحافة ....... بس أمانه عليك يا خاله جاوبي عليّ بصراحه،، مش نحنا وكل عيال الحافة يشتيلنا عاده جونية ملح علشان نفهم بسرعه و قليل من الزعل ... زعل العقال مش زعل وقنفزةالمجانيين الهفه حق بعضهم هذي الأيام ...... انت معي وإلا لا يا خاله تحتاج إلى مزيداً من الغضب ... غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب غضب يــا جــنـــــوب غضب غضب غضب

31666
[2] شباب يرفعووون الرأس
الأحد 22 يناير 2012
يااافعيه | الجنوووب
والله ياخااااله شجن ان الشباب اليوم المتواجديين على الساحات الجنوبيه يرفعووون الرأس نجدهم مشاركيين بكل الفعاليات والانشطه والمهرجانات وبحمااااس منقطع النظير فهم اليوم يقودون حملااات توعويه للحفاظ على عدن والجنوووب من خلااال قيامهم بحملااات ضد القات وضد السلاااح وضد طمس الهويه والحضارره وضد نهب ماتبقى لنا في عدن من متنفسات طبيعيه وكذلك حملاااات النظافه والتي تئن منها اليوم حبيبتنا عدن نجدهم اليوم يبذلون قصاري جهودهم لآعاده كل ماهو جميل وحضاري كان موجود بمدينتنا الجميله وحاول المحتل طمسه وتدميره -- يجب علينا جميعآ شباب وشابات نساء ورجال واطفال ان نقف مع هذه الحملات العظيمه وندعمها ولو بالكلمه وهي اضعف الايمان -يجب ان نشجع الكل ونرفع من المعنويات فنحن في امس الحاجه لاستعاده مدنيه وحضاره وثقافه عدن حلوه الحلوات --شباب وشابات عدن والجنوووب لكم الشكر والتقدير والامتنااان والى الاماااام ومن يحاول افساد تلك النشاطات والمهرجانات من خلال بث سمومه واتهامه وافتراءه على هؤلاء الابطال نقول له لاتحاااول فانت غلطان لان عدن والجنوب وابناءه اكبر من يبيعوا مبادئهم وقيمهم واخلااااقهم بحفنه من المااال --ابناء عدن والجنوووب اليوم متواجديين في كل السااااحات يطالبون بالحريه وعوده الوطن والهويه ---ثـــــوررره ثــــوررره يـااااجـنــوووب

31666
[3] فلبك طيب
الأحد 22 يناير 2012
فاطمة | دارسعد
الله يعطيك العافية ياخالة شجن على المقال

31666
[4] يفدووب الدحابشه على رجولكم ياخاله شجن
الاثنين 23 يناير 2012
بنت الجنوب | دثينه
دول الي يشكوكو من اللقالق الدحابشه بس ولايهمك انتي ونوال وكل شباب وشابات الجنوب انتم انزهه واطيب شعب هذا بوسه لكم كوالكم على جباهكم الشريفه التي لم تركع الا لله وحده امووووووووووووووووووووووووووه وغضب وثوره ياجنوب وبرررررررررررررررع يادحابشه



شاركنا بتعليقك

شروط التعليقات
- جميع التعليقات تخضع للتدقيق.
- الرجاء عدم إرسال التعليق أكثر من مرة كي لا يعتبر سبام
- الرجاء معاملة الآخرين باحترام.
- التعليقات التي تحوي تحريضاً على الطوائف ، الاديان أو هجوم شخصي لن يتم نشرها
الأيام
مؤسسة عدن الغد لحقوق الانسان

مؤسسة عدن الغد لحقوق الانسان

الأكثر قراءة
هاني بن بريك:نحن مع وحدة اليمن وسيادته على كل ترابه
قائد اللواء الاول حماية رئاسية يغادر عدن
أخبرني يحيى الحوثي بأنه أبرم اتفاقية صلح مع نظام الرئيس صالح، لوقف الحرب على صعدة منذ عدة سنوات.. فهل نفذ الاتفاق ؟
من اليمن للدقي..قصة يمنية هزمت ظروف الحرب والغربة
من مثل الجنوب في لقاء الأردن اليوم (الأسماء)
مقالات الرأي
لا يعرف الناس في عدن وعموم الوطن الكثير عن عالَم الاتصالات وتقنية تكنلوجيا المعلومات، ولكنهم يعرفوا ألف باء
قرار مجلس  الأمن الجديد ٢٥١١ يكشف عن دخول تطورات دولية جديدة، على خط الأزمة اليمنية الشائكة وتطوراتها
فلسفة المتدثرين بغطاء الشرعية من الاخوان المسلمين وبقية الشماليين طبعا ومعهم المستفيدين الجنوبيين من مناصب
عمر الحار استلق على الرمل ، وانس همومك ، ولا تستودع البحر اسرارك ، فالبحر مثل النساء لا يحتفظ بالودائع .ولا
الثور الإسباني هو من أشهر الأثوار في العالم سبب شهرة هذا الثور أن الإسبان يستخدمونه فقط للمصارعة ( مصارعة
تناقل الكثير صورة لاستقالة نائب وزير الصحة الإيراني بعد العجز عن مواجهة وباء كورونا وكما يقال أنه أصيب
لازلت اتذكر جيدا خطاب الإيرانيين عقب سقوط العاصمة صنعاء بيد قوى الانقلاب وكيف بدا ذلك الخطاب يومها منتشيا
بالرغم من تعقيدات الوضع ما بعد انقلاب الانقلابيين الحوثيين الإيرانيين إلا إن فخامة الرئيس القائد عبدربه
لازلت أتذكر برنامج أذاعي كان يبث عبر الاثير من أذاعة صوت العرب من القاهره كان يقدم الساعة الثانية والربع
     على الرغم من مرور خمس سنوات على بدء عاصفة الحزم،الا ان الاوضاع في بلادنا تسير من سيء الى
-
اتبعنا على فيسبوك